Ishq - Do Kissei.......

Ik Ishq Wo Thaa...

Wo din thaa bahut khushnuma....... Main saamne nazar gaade uski raah nihar raha thaa.... Aaj 10 dinon ki doori ke baad mulakaat honi thee.... In 10 dinon ne mujhe apni hakeekat se rubaru kara dia thaa... Mujhe ISHQ ho gaya thaa.... Meri haalat uss hindi film ke hero jaisi ho gai thee jiske liyee ik ik pal ik saal jaisa hota hai.... In 10 dinon mein maine ussei apne bahut paas rehte huyee bhi bahut door paya thaa....

Sabse pehle mujhe uski wo advitiya muskaan dikhi... Wo hansi jo har gham ko ik chutki mein door kar de... Ussei dekh kar ek baar fir mujhe apne andar umadte bhaavon ka ehsaas hua...aur ehsaas hua unki sacchai ka....

Maine uska haath pakad rakha hai.... Darr lag raha unhein chodne se.. Kahin wo door na chali jaaei...

Wo iss jahaan se alag hai.... ussei dekh main apna sansaar poora pata hun.....

Wo meri baahon mein hai... Iss ik pal mein...Main purnataya KHUSH hun.....

Wo keh rahi hai ussei jana hai... Mera dil nai maanta.... MAT JAAO MAT JAAO.... MAT JAAO...main nahin seh paaunga wapas adhura hona.. ISHQ hai tumse...Mat jaao...

WO CHALI GAI AUR CHALA GAYA IK HASEEN SAPNA......MERA SAPNA... :)

YAH EK dukh bhari dastaan nahin.....yah bas ek dastaan hai.......

Aunty aa chuki hain aur mere bistar par jhaadu maar ke mujhe jaga rahin hain... Unke paise dene hai iss mahine ke :) ==================================================================== Aur Ik Ishq Ye Hai

Din acha nahin jaa raha thaa...Subah jaagte hee pata lag gaya thaa aaj kuch bura hone wala hai... Mann udaas udaas ho raha thaa...

Bade bemann se office aaya hun...Uss jagah jo meri rehguzar ka ik sahara hai lekin mera ant(end) nahin.....

Office mein ghuste hee chup chaap cafetaria ki or badh chala... Bachpan se hee maa ne samjhaya thaa... Dil ko khush karnei ka Nashta ik khayal acha hai :)..... Juice leke maine kone ki ik jagah dekhi aur baithnei chal pada...

Sabse pehle meri nazar un naainon par gai...Wo aankhein...poori kaynaath bhi jinke saamne haar maan le... Uski palkein sirf ik baar jhuk kar uthin thee aur aisa lag raha maanon koi adbhut khel khela ja raha ho...

... Main jaa kar uske nazdeek baith gaya.....aur ussei niharta raha... Jo main mehsus kar rha thaa bahut hee ajeeb sa bhaav thaa... Main issei pehle pehli nazar mein kisi par fida nahin hua thaa....Shayad isi liyee mujhe samajh mein nahin aa raha thaa ki ho kya raha hai...

Uski khoobsurati bayaan kar sakein...aise shabd nahin hain mere paas..Wo adbhut thee...

Maine aage kai dinon tak aisee hee ussei niharta raha.... Meri nazron ko ussei dhudhnei ki aadat si pad gai thee... Uske naa dikhnei par din adhura malum padta thaa....

Aaj main ye jagah chod kar jaa raha hun...Aur chod kar jaa raha hun apna pehla pehli nazar ka pyaar.... ===================================================================